ຜົນການສອບເສັງນັກຮຽນເກັ່ງຊັ້ນມັດທະຍົມສຶກສາ ທົ່ວປະເທດປະຈຳສົກຮຽນ 2017-2018 ຄັ້ງວັນທີ24-27 ເມສາ2018 ທີ່ນະຄອນຫຼວງວຽງຈັນ ໄດ້ປະກາດຜົນອອກມາເປັນທີ່ຮຽບຮ້ອຍແລ້ວ ໃນຕອນແລ້ວມື້ນີ້. ໂດຍຖືເປັນອີກປີທີ່ຕ່າງແຂວງມີຜົນງານພົ້ນເດັ່ນ. ໂດຍສະເພາະໃນຊັ້ນມໍ7 ເມື່ອຕ່າງແຂວງສາມາດຍາດທີ1 ໄດ້ເຖິງ3 ວິຊາ ປ່ອຍໃຫ້ນະຄອນຫຼວງວຽງຈັນໄດ້ ທີ1 ພຽງວິຊາເຄມິສາດ. ສ່ວນຊັ້ນມໍ4 ຍັງເຮັດໄດ້ດີ ແຕ່ເມື່ອທຽບໃສ່ປີຜ່ານມາກໍຖືວ່າໄດ້ລາງວັນຫນ້ອຍລົງ ໂດຍໄດ້ທີ 1 ຈຳນວນ2 ວິຊາ ສ່ວນົກຮຽນຜ່ານມາ ໄດ້ທີ1 ທັງ4ວິຊາ. ຜົນການສອບເສັງນັກຮຽນເກັ່ງຊັ້ນມໍ4 ສົກຮຽນ 2017-2018 ມີດັ່ງນີ້:
1.ວິຊາຄະນິດສາດອັນດັບ1 ທ້າວ ຈີເມັ່ງ ຫາ ຈາກມສ ສີບຸນເຮືອງ ເມືອງແປກ ແຂວງຊຽງຂວາງ, ອັນດັບ2 ນາງລິດຈະນາ ອິນທະວົງ ມສໂພນໄຊ ນະຄອນປາກເຊ ແຂວງຂຳປາສັກ.
2.ວິຊາຟິຊິກສາດ ອັນດັບ1 ນາງພິບພາພອນ ລຽງສອນ ມສ ນິຣະດາ ຈຶມເພັດ ນະຄອນຫຼວງວຽງຈັນ, ອັນດັບ2 ທ້າວ ບຸນຊູ ທ່່າວຈີ່ເນັ່ງ ມສ ນໍ້າຮ້ອນ ເມືອງໝື່ນ ແຂວງວຽງຈັນ ແລະອັນດັບ3 ນາງພອນທິບ ແສງສີສູນທອນ ມສໂພນໄຊ ນະຄອນປາກເຊ ແຂວງຈຳປາສັກ
3.ວິຊາເຄມີສາດ ອັນດັບ1 ນາງສີສົມພອນ ພັດທະນາ ມສພອນສະຫວັນຊົນເຜົ່າ ນະຄອນຫຼວງວຽງຈັນ, ອັນດັບ2 ທ້າວປໍຈົວ ເຮິີເຢຍໄທ ມສ ນໍ້າຮ້ອນ ເມືອງໝື່ນ ແຂວງວຽງຈັນ ແລະອັນດັບ3 ສນ ເຮັ່ງ ເຮືອງສະຫວັນ ມສສົງ ແຂງສາລະວັນ.ສ່ວນວິຊາພາສາລາວ ວັນນະຄະດີ ບໍມີຜູ້ໃດໄດ້ລາງວັນ. ນອກນັ້ນຍັງມີຜູໄດ້ຮັບລາງວັນຊົມເຊີຍອີກ7ລາງວັນ.
ຫາກທຽບໃສ່ຜົນການສອບເສັງນັກຮຽນເກັ່ງຊັ້ນມໍ4 ສົກປີ2016-2017 ມີດັ່ງນີ້: ວິຊາພາສາລາວວັນນະຄະດີ ອັນດັບທີ1 ນະຄອນຫຼວງວຽງຈັນ ແລະອັນດັບ2 ແຂວງຈຳປາສັກ; ວິຊາຄະນິດສາດ: ອັນດັບທີ1 ນະຄອນຫຼວງວຽງຈັນ, ອັນດັບ2 ແຂງຫົວພັນ ແລະອັນດັບ3 ແຂວງຈຳປາສັກ; ວິຊາຟິຊິກສາດ ອັນດັບ1 ນະຄອນຫຼວງວຽງຈັນ ອັນດັບ2 ແຂວງອັດຕະປື ແລະອັນດັບ3ຫຼວງພະບາງ;ວິຊາເຄມີສາດ ອັນດັບ1ແລະອັບດັບ2 ນະຄອນຫຼວງວຽງຈັນ.
ไม่มีความคิดเห็น:
แสดงความคิดเห็น