ໂຮງຮຽນພອນສະຫວັນຍ້ອງຍໍຄູອາຈານນັກຮຽນເກັ່ງໃນສົກຮຽນ 2017-2018

ໂຮງຮຽນພອນສະຫວັນຍ້ອງຍໍຄູອາຈານນັກຮຽນເກັ່ງໃນສົກຮຽນ 2017-2018

       ເມື່ອທ້າຍອາທິດຜ່ານ ມານີ້, ໂຮງຮຽນພອນສະ ຫວັນ ແລະ ຊົນເຜົ່າກຽມມະ ຫາວິທະຍາໄລ (ຮພຊ) ໄດ້ ຈັດພິທີຍ້ອງຍໍຊົມເຊີຍຄູອາ ຈານ ແລະ ນັກຮຽນ ທີ່ມີຜົນ ງານໃນການເຂົ້າຮ່ວມສອບ ເສັງນັກຮຽນເກັ່ງໃນຂັ້ນ ເມືອງ, ນະຄອນຫຼວງ ແລະ ລະດັບຊາດ ປະຈໍາສົກຮຽນ 2017-2018. ໂດຍການ ເຂົ້າຮ່ວມຂອງທ່ານຫົວໜ້າຫ້ອງການວິຊາການ ມະຫາ ວິທະ ຍາໄລແຫ່ງຊາດ, ພະ ນັກງານ, ຄູ-  ອາຈານ, ພໍ່- ແມ່ຜູ້ປົກຄອງ ແລະ ນ້ອງ ນັກຮຽນເຂົ້າຮ່ວມເປັນຈໍາ ນວນຫຼາຍ.

    ໃນໂອກາດນີ້ ຜູ້ອໍານວຍ ການໂຮງຮຽນດັ່ງກ່າວ ໃຫ້ ຮູ້ວ່າ: ໃນສົກຮຽນ 2017-2018 ທາງໂຮງຮຽນໄດ້ ຄັດເລືອກຄູສອນບໍາລຸງນັກ ຮຽນເກັ່ງຜູ້ທີ່ມີລະດັບຄວາມ ຮູ້ ແລະ ປະສົບການສູງສໍາ ລັບຊັ້ນ ມ4 ແລະ ມ7 ໃນ 4 ວິຊາຄື: ວິຊາພາສາລາວ- ວັນນະຄະດີ, ຄະນິດສາດ, ຟີຊິກສາດ ແລະ ວິຊາເຄມີ ສາດ ຈໍານວນ 56 ຄົນ ແລະ ໄດ້ສອບເສັງເຂົ້າຂັ້ນ ເມືອງ ມີ 40 ຄົນ, ສາມາດຍາດໄດ້ 20 ລາງວັນ, ເຂົ້າສອບ ເສັງຂັ້ນ ນະຄອນຫຼວງ 20 ຄົນ, ສາມາດຍາດໄດ້ 8 ລາງວັນ ແລະ ເຂົ້າສອບ ເສັງລະດັບ ຊາດ 3 ຄົນ, ຍິງ 2 ຄົນ, ໃນນັ້ນສາມາດ ຍາດໄດ້ 2 ຫຼຽນ ຄໍາຄື: ນາງ ສີສົມພອນ ພັດທະນາ ຫ້ອງ 4/1 ວິຊາເຄມີສາດ ແລະ ທ້າວ ເນັ່ງເຮີ ຫ້ອງ 7/4 ວິຊາ ເຄມີສາດ ແລະ ຫຼຽນເງິນໄດ້ແກ່ ນາງ ຈັນ ຕຸລາ ພົນວິໃສ ຫ້ອງ 7/4 ວິຊາພາສາລາວ- ວັນນະ ຄະດີ.ໃນໂອກາດດັ່ງກ່າວ ທາງໂຮງຮຽນໄດ້ຍ້ອງ ຍໍນັກຮຽນເກັ່ງຂັ້ນເມືອງ 16 ຄົນ, ຍິງ 5 ຄົນ; ຍ້ອງ ຍໍນັກຮຽນທີ່ເຂົ້າຮ່ວມ ສອບເສັງ ຈໍານວນ ດັ່ງກ່າວ ແລະ ໃບຍ້ອງຍໍໃຫ້ແກ່ຄູ ສອນດີສອນເກັ່ງລະດັບ ຊາດຈໍານວນ 5 ທ່ານ./.